La contribuziun haja bain mussà correctamain in studi da l'Uffizi federal da statistica, scriva il mediatur en ses rapport final. Là nua ch'i saja vegnì mussà ina grafica cun las linguas naziunalas e las autras linguas discurridas en Svizra saja il rumantsch vegnì laschà davent cumplettamain e quai na saja betg correct. Ord respect envers la quarta lingua naziunala avess la Tagesschau almain pudì menziunar il rumantsch, scriva Roger Blum.
Lia Rumantscha aveva reclamà
Pervi da questa contribuziun dals 5 d'october en la Tagesschau da SRF aveva la Lia Rumantscha intervegnì. I saja vegnì discurrì da la plurilinguitad en Svizra senza menziunar il rumantsch, aveva la Lia Rumantscha reclamà. Quai na correspundia betg a las pretensiuns da la lescha federala davart radio e televisiun.
RR novitads 6:00
