L’iniziativa pretenda che tgi ch’ha ina pitschna paja vegn distgargià tar la taglia. Cuntrari stuess tgi ch’ha ina gronda paja, pajar dapli. Ord vista da la maioritad n’èsi però betg necessari d’adattar l’imposiziun da taglia. I dettia gia oz ina gronda redistribuziun da la taglia en Svizra, ha ditg Hannes Germann (PPS/SH). Plinavant stoppian ins gia pajar plitost blera taglia e cun pajar anc dapli, perdess la Svizra attractivitad. Plinavant laschia l'iniziativa relativamain bleras libertads. Uschia na saja per exempel betg cler tge ch'ina entrada chapitala saja.
Minoritad vul eliminar privilegis
Ord vista da la minoritad è l'imposiziun da taglia malgista, uschia ch'i dovria ina midada. La realitad mussia ch'i dettia privilegis per la taglia sin chapital. La raschun per questa malgistadad na saja betg da chattar. Perquai dovria dapli gistadad tar l'imposiziun da taglia e chapital stoppia vegnir pajà dapli che per la paja.
