La taglia sin petroli porta a la Confederaziun entradas da 4,7 milliardas francs ad onn. Ozenzdi survegnan ils purs però enavos 77% da la taglia sin petroli. Uschia vegnan mintg'onn totalmain 65 milliuns francs restituids a 44'000 purs. Quai saja ina politica antiquada. Questa politica cuntradia er a la Lescha federala da subvenziuns ed ad obligaziuns internaziunalas da la Svizra areguard il clima. Il sustegn finanzial stoppia perquai succeder sur ils pajaments directs, uschia l'argumentaziun da la Controlla federala da finanzas.
audio
Mezdi: Taglia sin petroli: nagins privilegis pli per purs
ord Actualitad dals 23.08.2018.
laschar ir. Durada: 3 minutas 8 Secundas.
SBV sa dosta
L'Uniun purila svizra SBV ha respundì che tractors ed autras maschinas sajan necessitads economicas. Sche las restituziuns crodian davent, vegnian ils pretschs per mangiativas a crescher.
RR novitads 06:00