Svizra - Taglia sin traffic da pajaments per finanziar paja minimala
L'entschatta da zercladur votescha il pievel svizzer davart la paja minimala senza cundiziuns per tuts. Per finanziar questa idea propona l'ex pledader dal Cussegl federal Oswald Sigg ina taglia sin il traffic da pajaments.
Ins pudess per exempel chargiar ils pajaments cun 0,05%. Quai ha Sigg ditg a la gasetta Schweiz am Sonntag.
Tenor il Cussegl federal custass l'iniziativa dal pievel mintg'onn passa 200 milliardas francs. Ils iniziants vulan ina paja minimala da 2500 francs per tut ils creschids. E quai sch'els lavuran u betg. Sco finanziar quai n'è anc betg cler.
