Cun introducir l’imposiziun da taglia individuala prevesan las cumissiuns deducziuns da taglia per chasadas cun uffants, sco ils servetschs parlamentars scrivan. Sche las entradas èn repartidas inegualmain tranter ils partenaris, duaja dar levgiaments. Naginas mesiras na fissan previsas per pèrs cun in’entrada, e per persunas singulas.
Cun discutar ils puncts impurtants da la fatschenta saja sa mussà tar omaduas cumissiuns economicas, ch’i regia tar differentas dumondas discordia.
Las cumissiuns giavischan uss da l’administraziun federala da sclerir plirs puncts da la materia, en vista a l’elavuraziun d’in sboz per la consultaziun. Sco proxim elavurescha il Cussegl federal in project da lescha concret per la realisaziun. Silsuenter vegn quel tractà en il parlament.
