Siglir tar il cuntegn
Inhalt

Svizra Tailandaisa survegn 10,5 onns praschun

Ina dunna tailandaisa sto ir 10 onns e mez en praschun, pervi da commerzi cun umans. Quai ha decidì ina dretgira regiunala a Bienna.

Purtret da las chommas da duas donnas che stattan davant in auto.
Legenda: Las dunnas ch'eran vegnidas en Svizra han per part stuì pajar giu lur daivets entras la prostituziun. Keystone

Pervi dal commerzi cun umans è la dunna da 58 onns vegnida declerada culpanta en 75 cas. Plinavant è la dunna er vegnida sentenziada pervi da la promoziun da la prostituziun en 29 cas, quai tranter ils onns 2010 fin 2014.

Dapi il 2011 avev'ella organisà da la Tailanda anora ch'enturn 80 dunnas ord paupras relaziuns han pudì vegnir en Svizra. Las dunnas èn vegnidas intermediadas a differents saluns. L'inculpada ha incassà plirs 100'000 francs.

RR novitads 11:00