Svizra - Tants passagiers sco anc mai per l’eroport da Turitg
Passa 26 milliuns passagiers èn viagiads l'onn passà sur l’eroport da Turitg, quai èn tants sco anc mai. En consequenza è la svieuta creschida per 2,6% sin stgars 990 milliuns francs.
Il gudogn è dentant sa sminuì per var 13% sin 180 milliuns francs, communitgescha l’eroport. Ina da las raschuns sajan reservas ch’ins haja fatg per mesiras da protecziun da canera. Per quest onn quinta l’eroport cun in augment da la svieuta da radund 3%.
