Gia a l'entschatta da las vacanzas da stad è vegnì battì il record da passagiers a l'eroport da Turitg. Per l'emprima giada èn en in di passa 100'000 passagiers arrivads u partids davent da la plazza aviatica a Kloten.
Il record d'enfin qua era tar stgars 97'000 passagiers. La gronda fulla da passagiers a l'entschatta da las vacanzas è per l'eroport adina ina gronda sfida. Ma quella ha el surmuntà bain grazia a la preparaziun e la buna collavuraziun cun ils partenaris, scriva l'eroport da Turitg en ina communicaziun. Durant in di mediocher viageschan radund 72’000 passagiers via la plazza aviatica da Turitg.
