Siglir tar il cuntegn

Header

cuntegn

Svizra Tants sgols sco auters onns – salvar mintga di pli che 40 giadas

Sur ils dis da festa ha la Rega salvà radund 350 persunas – quai scriva ella en ina communicaziun a las medias. Cun pli che 40 acziuns al di correspundia quai a la cifra dals auters onns.

En acziun saja la Rega stada en emprima lingia pervi dad accidents da sport d’enviern sco er pervi da malsognas, resumescha ella en sia communicaziun. Durant dis da bell’aura organiseschian las 12 basas svizras da la Rega en media 50 fin 70 acziuns da salvament – las pli bleras ils 29 da december cun 80 acziuns.

Be in unic cas da lavina

Quests dis da festa n’ha la Rega betg gì da far bler cun lavinas: Tar in unica lavina en la regiun Claustra-Tavau è stà dumandà l’agid da la Rega per evacuar plirs skiunzs suenter ch'ina lavina era sa distatgada. Blessads n'haja dà nagins, scriva ella.

15 giadas a l'exteriur

Il radius d’acziun da la Rega s’extenda dentant er a l’exteriur. Ils trais jets d’ambulanza eran sur festas 15 giadas en viadi. Els hajan repatrià pazients da Nairobi, Halifax e Bratislava en Svizra, infurmescha la Rega.

RR novitads 15:00

Artitgels legids il pli savens