Siglir tar il cuntegn
Inhalt

Svizra Tar Nestlé èn fin 500 plazzas periclitadas

Il producent da mangiativas Nestlé organisescha da nov sias structuras d’informatica. Entras quella nova organisaziun pudissan fin 500 plazzas vegnir stritgadas en svizra.

Logo Nestlé
Legenda: Nestlé ha sia sedia principala a Vevey en il chantun Vad. Keystone

Il concern reduceschia las plazzas entaifer in onn e mez, quai scriva Nestlé en ina communicaziun. Els veglian duvrar meglier il center da tecnologia a Barcelona ed en auters lieus. Cun quai pass veglia il concern accelerar las midadas digitalas da l’interpresas e profitar dad innovaziuns en l'informatica. Uschia possia Nestlé er operar pli effizient.

Plan social per ils collavuraturs

Sco Nestlé scriva enavant hajan collavuraturas e collavuraturs pertutgads la pussaivladad da commentar las midadas durant ina fasa da consultaziun. Plinavant elavureschan il concern in plan social. Er pussaivel sajan midadas internas u ir pli baud en pensiun.

RR novitads 10:00