Svizra - Tariffa speziala per hotellaria duai restar
L'hotellaria svizra duai vinavant profitar da la tariffa speziala tar la taglia sin la plivalur. La cumissiun per economia dal Cussegl dals chantuns è s'exprimida cun 9 cunter ina vusch a favur d'ina tala iniziativa parlamentara.
Pervi da la situaziun difficila dal turissem saja d'agir, ha la cumissiun argumentà. Tenor la cumissiun duai la tariffa speziala da 3,8%, che scada la fin dal 2017, valair sur quest termin ora. Ella refusa dentant da fixar questa tariffa permanentamain. Uss po la cumissiun per economia dal Cussegl naziunal elavurar in sboz per ina lescha.
