Tasforce Covid-19 - Events betg cun dapli che 100 persunas
Manifestaziuns publicas duain puspè vegnir reducidas sin 100 persunas. Da quest avis è il nov schef da la Taskforce Covid-19 da la confederaziun, Martin Ackermann.
Ils dumbers da las infecziuns creschian quasi a moda exponenziala. Ins stoppia intervegnir ad uras, uschiglio smanatschian restricziuns drasticas e charas, ha Ackermann ditg en la «SonntagsZeitung». Quai stoppian ins dentant evitar per tut il pretsch. Per ulteriuras schluccadas tar eveniments e manifestaziuns grondas na dettia ord quest motiv strusch spazi d'agir.
Il grev vid questa situaziun saja tenor Ackermann, ch'il tema corona saja omnipreschent, blers n'enconuschian dentant agin ch'è vegnì infectà. Quai saja grev da manar ensemen.
Taskforce Covid-19
Avrir la boxSerrar la box
La Confederaziun ha endrizzà la taskforce scientifica la fin da mars. Sia incumbensa è da cussegliar chantuns e Confederaziun. Ella cumpiglia differents expertas ed experts da pliras branschas.
