La «Task Force 2026» ha Swiss Olympic installà per l'entira procedura da sviluppar e concepir il rapport d'evaluaziun per ina eventuala candidatura svizra per ils gieus olimpics. Quai avant ch'il cussegl executiv po far sia recumondaziun per ina candidatura per mauns dal parlament da sport.
La gruppa da lavur vegn presidiada dal president da Swiss Olympic Jörg Schild cun vicepresidi tar il president da Swiss Paralympic Thomas Troger. Ultra da quai cuntegn la gruppa represchentants da politica, sport, ambient, economia e turissem.
La gruppa s'inscuntra l'emprima giada mesemna ad Ittigen per l'emprim da 4 lavuratoris e sa cumpona da:
- Jörg Schild, president Swiss Olympic
- Thomas Troger, president Swiss Paralympic
- Jürg Stahl, vicepresident Cussegl naziunal, president gruppa parlamentara sport
- Didier Cuche, olimpionic ed anteriur skiunz
- Florence Schelling, olimpionica e goli da la naziunala da hockey
- Beat Jans, cusseglier naziunal, president eco.ch e fundaziun protecziun cuntrada
- Heinz Karrer, president economiesuisse
- Jürg Schmid, directur Svizra turissem
- Patrick Baumann, commember comité olimpic internaziunal
- René Fasel, commember comité olimpic internaziunal
- Gian-Franco Kasper, commember comité olimpic internaziunal
- Denis Oswald, commember comité olimpic internaziunal