La Svizra duess far dapli per impedir che dschihadists giajan en pajais da guerra. A questa conclusiun vegn la Task Force da la Confederaziun. En ses rapport propona ella tranter auter d'installar ina hotline nua che mintgin pudess telefonar e far indicaziuns.
Gia vidlonder sajan ins da sensibilisar policists e guardia cunfins per che quels percorschian pli baud dschihadists. Tenor la Task Force duessi la Svizra plinavant s'engaschar per dastgar far diever da datas da passagiers da sgols.
RR novitads 15:00
SDA/aw
