Siglir tar il cuntegn

Header

cuntegn

Task force da la Confederaziun Uss era Marcel Tanner che va

Marcel Tanner ha confermà sia decisiun da bandunar la task force scientifica, envers la «NZZ am Sonntag». El saja il medem mument president da las Academias da scienzas Svizra – e quest mandat dubel na saja betg propi bun. Aifer la scena scientifica vala Tanner sco perscrutader pragmatic e persuna da la pratica, sco la gasetta scriva.

Tanner davart la rolla da la task force

Avant in'emna era gia Christian Althaus sa retratg da la taskforce scientifica da la Confederaziun. Auter che Althaus, ch'era sa lamentà ch'il Cussegl federal taidlia memia pauc sin ils experts – vesa Tanner la rolla dals scienziads dapli sco cussegliaders per la politica.

Nus furnin a la politica las basas scientificas ed opziuns d’agir. Che tut na sa lascha realisar, tutga tar la rolla da la task force.
Autur: Marcel Tannerepidemiolog da Basilea

En la Rundschau dals 18 da november 2020:

video
Marcel Tanner aveva avertì dal squitsch sin il sistem da sanadad
Or da Rundschau dals 18.11.2020.
laschar ir

Betg serrar scolas ma far dapli tests

Plinavant pretenda Marcel Tanner da la Confederaziun da far dapli tests da corona en las scolas primaras, quai en vista als coronavirus pli contagius. E per scolars e scolaras pli veglias duai puspè dar instrucziun a distanza.

Fin ussa n'haja bain strusch dà erupziuns pli grondas en las scolas ed i na saja er vinavant betg cler quant ferm ch'il virus vegnia dà vinavant da las scolas en la societad e viceversa. Cler saja però che giuvenils s'infecteschian gist uschia sco ils creschids, ha ditg Tanner. In nov studi da Genevra mussia plinavant ch'er uffants pli giuvens han ina sumeglianta rata d'infecziun sco ils creschids en lur conturn. Cun la nova situaziun dal virus mutà saja perquai necessari da reponderar la strategia da testar. Da serrar las scolas primaras na cusseglia el il mument dentant betg.

RTR novitads 06:00

Artitgels legids il pli savens

Scrollar a sanestra Scrollar a dretga