Siglir tar il cuntegn
Inhalt

Svizra Task-force per cumbatter cuntrabandists

La Svizra vul agir pli vehement cunter ils cuntrabandists da fugitivs ed ha perquai furmà ina gruppa da lavur. Quai ha ditg Olivier Pecorini, il vicedirectur da la polizia statala Fedpol envers il radio SRF.

Olivier Pecorini
Legenda: Olivier Pecorini, vicedirectur da la polizia statala Fedpol vul cumbatter ils cuntrabandists cun ina task-force. Keystone

La gruppa da lavur sa cumponia da collavuraturs dal corp da guardias da cunfin, da la polizia chantunala, da la polizia federala e da l'uffizi da giustia. La finamira saja da chattar ils cuntrabandists, d’arrestar e da sentenziar els, ha ditg Pecorini. I saja impurtant da collavurar cun ils pajais vischins e perquai sajan er represchentants da la polizia taliana e tudestga en questa gruppa da lavur.

RR novitads 14:00