La gruppa beneventa l'orientaziun strategica ch'il Cussegl federal ha relaschà il november 2017. Ma las mesiras formuladas dal Cussegl federal en la strategia da turissem na resguardian betg avunda la posiziun speziala dal turissem en las muntognas.
Cooperaziun tranter destinaziuns
En lur palpiri da posiziun proponan la SAB e la Federaziun svizra dal turissem tranter auter da meglierar las cooperaziuns tranter las destinaziuns da turissem. I dettia memia bleras interpresas da hotellaria e memia blers biros da turissem. Uschia Thomas Egger, il directur da la Gruppa svizra per las regiuns da muntogna SAB. Las regiuns stoppian concentrar pli ferm lur forzas. Sco exempel numna el ils lieus en il Vallais Champéry, Troistorrents et Val d'Illiez che han gia fatg quai.
Era ina purschida sur onn ed in curs pli ferm da la creaziun da products duai puspè carmalar dapli giasts en las muntognas.
RR novitads 06:00