Il problem è qua d'adattar la mascra da FFP2 a l'atgna furma da la fatscha e dad insumma chattar il model che fa senn per ins, ha communitgà la taskforce. Plinavant na fissi er betg fitg probabel da pudair motivar la glieud da purtar quellas mascras, cunquai ch'ins na sappia betg quant ditg che la pandemia cuzzia anc.
Plinavant stoppian er tscherts ristgs da sanadad vegnir resguardads. E la finala dettia adina dapli mussaments che las mascrinas chirurgicas gidian. Perquai metta la taskforce en dumonda in obligatori per talas mascras en tschertas situaziuns dal mintgadi, sco per exempel per en il traffic public.
Dentant cumprovà senza dubi è che las mascras da FFP2 èn pli effectivas che las mascras chirurgicas, sch'ellas vegnan duvradas endretg. Quai valia per la protecziun da quels che portian ina tala mascrina sco era per las persunas en il conturn.
Ord l'archiv:
Gia la primavaira n'ha la Confederaziun ditg betg vulì obligar la populaziun d'insuma purtar mascrinas. Precis pervi da la raschun ch'ellas na vegnan betg adina purtadas endretg e na gidan lura er nagut. La media chantunala Marina Jamnicki ha perquai mussa a RTR co quai funcziuna endretg:
