Tavau e San Murezzan - sustegn per ils casinos en muntogna

Il Cussegl federal vul sustegnair pli fitg ils casinos en muntogna cun problems da daners. Tals casinos duain pudair serrar durant la stagiun bassa il sectur dals gieus da maisa.

Il casino da Tavau. Bild in Lightbox öffnen.

Legenda da maletgs: Sustegn en la stagiun bassa - il Cussegl federal vul sustegnair pli fitg ils casinos en muntogna cun problems da daners sco Tavau. Keystone

Cun questa mesira vegn il Cussegl federal encunter als casinos da Tavau e San Murezzan. La regenza svizra propona la midada en la consultaziun da l'ordinaziun da casinos.

Per ils casinos en muntogna vala gia oz ina regla speziala. Dapi il 2007 dastgan ils casinos serrar durant maximalmain 60 dis quest sectur. Da nov duai quai esser pussaivel durant 270 dis.

Cun pudair serrar durant la stagiun bassa ina part da lur purschida survegnan ils casinos en muntogna sustegn dal Cussegl federal.

RR novitads 12:00