Interpresas duain vegnir deliberadas da pajar la taxa da radio e televisiun. Quai pretenda il Cussegl naziunal. El ha approvà cun 106 cuter 68 vuschs in'iniziativa parlamentara da Gregor Rutz da la PPS/Turitg. La maioritad dals cussegliers naziunals è da l'avis ch'i sa tractia tar la taxa per interpresas d'in metter a quint dubel: ils impressaris sco er ils impiegads pajan gia privat la taxa.
Il Cussegl dals chantuns aveva cleramain refusà la proposta da Rutz, perquai ch'il suveran svizzer ha pir il 2015 approvà il nov sistem da taxa. Lura è vegnida introducida la taxa da radio e televisiun per interpresas che porta mintg'onn 170 milliuns francs en la padella da taxas.
La fatschenta va uss enavos en il Cussegl dals chantuns.
RR novitads 06:00