Taxas per traffic aviatic - Eroport Turitg sto quintar proxim onn cun damain entradas
L’eroport da Turitg sto quintar cun damain entradas l’auter onn. Las taxas per il traffic aviatic stoppian vegnir reducidas per 15%. Quai ha communitgà la gestiunaria da l’eroport.
L’Uffizi federal d’aviatica civila BAZL haja decis da reducir las taxas, perquai che l’eroport mussia ina rendita memia auta. Cunter questa decisiun vul la gestiunaria da l’eroport però far recurs. Per l'onn proxim saja uschè u uschia stà previs in sbassament da las taxas. La gestiunaria quinta numnadamain cun ina perdita d’entradas da radund 60 milliuns francs.
