Siglir tar il cuntegn

Header

Ina punt maina atras il parc dal technorama a Winterthur
Legenda: Il parc cun «punt miraculusa» vegn avert il 2021. La punt duai porscher plaz per experiments. Technorama Winterthur
cuntegn

Technorama Winterthur Fisicher rumantsch termaglia cun dagut da tschintg tonnas

Il 2021 avra il Technorama ina nova exposiziun en ses parc a Winterthur. Armin Duff planisescha e construescha ils experiments ensemen cun ses team.

Mussar vul ins tranter auter in dagut da tschintg tonnas che croda d’ina autezza da diesch meters en ina halfpipe. L’aua sprizza lura per part pli lunsch siadora che quai ch’ella è crudada engiu.

Impurtant è da mussar la potenza da l’aua, ma era da tutgar las emoziuns dal visitader
Autur: Armin Duffschef-exponider Technorama

In team da radund trenta persunas mantegna tant l’exposiziun actuala, ma construescha era ils exponats ch’èn lura da vesair en dus onns en il nov parc. Per questa lavur dovri tant ils scienziads sco era scrinaris, picturs ed auters mastergnants.

I dovra la lavur pratica e la lavur teoretica. E mo sche questas duas chaussas vegnan ensemen, datti exponats che funcziunan
Autur: Armin Duffschef-exponider Technorama

Il spezial en il Technorama: Mintga visitader po sez empruvar, giugar e termagliar cun ils exponats e chapescha uschia a moda ludica fenomens cumplexs da la scienza natirala.

Nov parc duai carmalar dapli glieud

Radund 250'000 persunas visitan onn per onn il Technorama a Winterthur. Ils ultims onns ha il museum sentì cunzunt durant las stads da chaliras ina digren da visitaders. Cun il parc speran ins da pudair carmalar era la stad puspè dapli glieud en il Technorama a Winterthur.

RR actualitad 11:00