Siglir tar il cuntegn

Header

cuntegn

Tegnair distanza e lavar mauns Co sa proteger cunter il virus?

Il coronavirus è omnipreschent ed i dat mintga di novs svilups. Per sa proteger valan dentant anc adina las medemas reglas. Qua ina survista da las recumandaziuns da l'Uffizi federal da sanadad publica BAG.

Uschia ans protegain.
Legenda: RTR, Grafica

Tegnair distanza

  • evitar gruppas da persunas
  • guardar da maximal 5 uffants en ina gruppa
  • tegnair er distanza durant star en colonna (per exempel a la cassa, sin posta u en cantina)
  • durant sesidas laschar liber tranter ils participants mintgamai ina sutga
  • restar sin distanza da persunas ch'èn e la gruppa da risico
  • reducir visitas en chasas d'attempads ed ospitals sin in minimum

Distanza en il traffic public

  • betg duvrar il traffic public sche vus avais sintoms (tuss u fevra)
  • persunas sur 65 onns na duain betg duvrar il traffic public
  • per il rest da las persunas vala: evitar traffic public, cunzunt durant il temp da truscha – sche pussibel ir a pe u prender il velo
  • desister d'excursiuns dal temp liber

Daco èn las reglas impurtantas?

Textbox aufklappenTextbox zuklappen

Il coronavirus è in nov virus e quel sa derasa fitg spert. Blers carstgauns vegnan malsauns. Cun las reglas da cumportament vul il Cussegl federal

  • proteger persunas vulnerablas.
  • che tuttas persunas fitg malsaunas han plaz en l'ospital.
  • che tuts survegnan avunda medischina.

Sche tuts resguardan las reglas, gida quai er che persunas ch'han malsognas grevas pon vegnir tgiradas vinavant bain.

Lavar manidlamain ils mauns

Ins duai lavar ils mauns uschè savens sco pussaivel, ma cunzunt...

  • ...avant preparar tschaveras
  • ...avant mangiar
  • ...avant che dar da mangiar als uffants
  • ... suenter far giu nas, starnidar u tusser
  • ... suenter vegnir a chasa
  • ... suenter avair duvrà il traffic public
  • ... suenter avair vistà ina persuna malsauna ubain suenter avair gì contact cun rauba da persunas malsaunas
  • ... avant duvrar lentas da contact
  • ... suenter prender davent la mascra d'igiena
  • ... suenter esser stà sin tualetta
  • ... suenter avair midà ils pezs dals uffants
  • ... suenter avair gì contact cun rument
  • ... sch'ins ha mauns tschufs.
video
Co lavar endretg ils mauns?
Or da RTR Social dals 24.02.2020.
laschar ir

Co lavar endretg ils mauns?

  • far bletsch ils mauns sut aua currenta
  • ensavunar ils mauns, sche pussaivel cun savun liquid
  • fruschar ils mauns enfin ch'i fa stgima – er il dies dal maun, tranter la detta, sut las unglas sco er la chanvella
  • lavar ils mauns sut aua currenta
  • sientar ils mauns cun in sientamauns schuber, sche pussibel cun in palpiri da bittar

Plinavant èsi da resguardar

  • betg dar il maun
  • tusser e starnidar en insatge (palpiri da bittar u alternativ en il cumbel) – sche gliez n'è betg pussibel, lura en ils mauns e silsuenter lavar ils mauns
  • tgi ch'ha sintoms da malsogna resta a chasa (difficultads dal flad, tuss, fevra)
  • emprim telefonar al medi u a la media avant che ir sperasora

S'infectar cun il coronavirus è surtut pussaivel

  • tar contacts stretgs e pli lungs: Sch'ins è durant passa 15 minutas pli datiers che dus meters d'ina persuna infectada
  • entras daguts: sch'ina persuna infectada starnida u tussa, pon il virus cuntanscher autras persunas
  • sur ils mauns: Daguts entras starnidar u tusser pon esser sin ils mauns e cuntanschan la bucca, il nas ubain ils egls.

Lavar chaud il resti

I fa era senn da lavar da temp en temp il resti u gist il resti da letg cun temperaturas d'almain 60 grads. Gist sch'ina persuna è malsauna, per exempel cun la grippa, mazzan las temperaturas pli autas er giu meglier ils scherms. Tar temperaturas bassas èsi impurtant da duvrar pulvra ch'è er fatga per quellas temperaturas.

Infurmaziuns per la populaziun

Tar return da l'exteriur:

Dumondas frequentas:

  • Infoline BAG 058 463 00 00
    (mintga di 06:00 – 23:00)

Ulteriuras infurmaziuns:

Gruppas da risico

Textbox aufklappenTextbox zuklappen

Il chantun Grischun vul surtut proteger gruppas da risico dal coronavirus. Tar quellas tutgan persunas sur 65 onns e persunas cun malsognas sco

  • pressiun dal sang auta
  • diabetes
  • malsognas dal cor e da la circulaziun
  • cancer
  • malsognas che indebleschan il sistem d’immunitad

RTR actualitad 12:00

Artitgels legids il pli savens

Scrollar a sanestra Scrollar a dretga