Siglir tar il cuntegn

Header

Purtret da trais vatgas che stattan sin in prà cuvert cun naiv. Duas dad ellas tegnan in encunter l'auter lur chaus.
Legenda: L'allianza agrara vul damain animals sin prads e bains. Keystone
cuntegn

Tegnida d'animals Allianza agrara vul damain animals sin pastgiras e bains

Sin pastgiras e bains svizzers duai dar en l’avegnir damain animals. Quai vul in’allianza da 19 organisaziuns dals secturs d'ambient, bainstar dals animals ed agricultura.

La vita dals animals duai daventar pli adequata a lur natira. L’allianza refusa la tegnida d’animals da massa. I va però era anc per insatge auter: Sch’i vegnan tegnidas damain vatgas, datti era damain puschina ed uschia era damain amoniac en l’aria.

Per che l’agricultura sa sviluppia en questa direcziun, stoppian ins promover las prestaziuns per il bainstar dals animals, tranter auter cun dapli subvenziuns dal stadi, uschia l’allianza.

RTR novitads 10:00