Siglir tar il cuntegn

Header

cuntegn

Tel 143 Il servetsch d'agid «maun offert» ha dapli da far cun suicidi

Il «maun offert» cun ses numer d'agid d'urgenza 143 ha stuì sa fatschentar il davos mez onn pli savens cun il tema suicidi. 16 giadas saja quai stà tema, cumpareglià cun 13 giadas il 2019. Quai ha communitgà l'organisaziun en vista dal di per la prevenziun da suicidi ch'è ils 10 da settember.

Il servetsch d'agid «maun offert» cun ses numer d'agid d'urgenza 143 ha stuì sa fatschentar il davos mez onn pli savens cun il tema suicidi. 16 giadas saja quai stà tema 2021, cumpareglià cun 13 giadas il 2019. Quai ha communitgà l'organisaziun en vista al di per la prevenziun da suicidi ch'è ils 10 da settember.

Las raschuns per ils patratgs da suicidi sajan multifaras, d'ina vart saja quai las consequenzas da l'isolaziun sociala pervi da la pandemia, da l'autra vart èn quitads pervi da la tschertga d'ina plazza, stress pervi da discriminaziun u era difficultads finanzialas.

Oravant tut ils discurs cun uffants e giuvens e giuvnas sajan s'augmentads fermamain. Uffants hajan telefonà 40% pli savens che l'onn 2019 ed anc 5,7% dapli cumpareglià cun il 2020. Tar ils giuvens creschids muntia l'augment a 12,8%, cumperglià cun il 2019. Normalmain s'annunzian quels dentant plitost per chat che per telefon. L'augment possia pervia da quai anc esser bler pli grond.

Il «maun offert» porscha dapi passa 60 onns agid a persunas en miserias. Tadlar il dretg mument possia esser ina impurtanta contribuziun per la prevenziun da suicidis.

Ord l'Archiv

I dat era in numer da telefon spezialisà per uffants, il 147. Tge che quels fan, ha il Minisguard guardà

video
147... il numer da telefon per agid per uffants e giuvenils
Or da Minisguard dals 14.10.2017.
laschar ir

RTR novitads 16:00

Artitgels legids il pli savens

Scrollar a sanestra Scrollar a dretga