Siglir tar il cuntegn

Header

purtret dal logo da Sunrise.
Legenda: La fusiun da Sunrise e UPC chaschuna relaschadas. Keystone
cuntegn

Telecommunicaziun Sunrise UPC stritgan 600 plazzas fin la fin dal 2022

La fusiun da las duas interpresas da telecommunicaziun UPC e Sunrise, chaschuna che plazzas vegnan stritgadas. Enfin la fin dal 2022 duain 600 plazzas crudar davent – principalmain sur relaschadas.

Gia il schaner era cler che la fusiun vegnia ad avair consequenzas per ils collavuraturs. Ils plans èn uss dentant concretisads. En rom da la fusiun vegnan uss spetgadas radund 450 relaschadas, sco l'interpresa ed il sindicat Syndicom han annunzià. Quai correspunda a radund 13,5% da las total 3'350 plazzas da lavur.

Durant l'onn current duai dar radund 300 relaschadas, l'onn proxim lura radund 150. Enfin a fin dal 2022 vul Sunrise UPS reducir ulteriuras 150 plazzas sur la fluctuaziun. Total crodan pia davent 600 plazzas.

Ils collavuraturs e las collavuraturas pertutgadas d'ina relaschada anc quest onns, duain vegnir infurmads enfin il pli tard il matg. La reducziun da plazzas dal 2022 pertutgia sur tut las parts dal Financa, IT e Technology, scriva l'interpresa vinavant.

RTR novitads 10:00

Artitgels legids il pli savens

Scrollar a sanestra Scrollar a dretga