Siglir tar il cuntegn

Header

Navigaziun

Ina pitga da telecommunicaziun cun apparats.
Legenda: Ina pitga da telecommunicaziun a Berna cun ina rotscha antennas. Keystone
cuntegn

Telefonia 5G Ils blers recurs pudessan retardar l’introducziun

Cunter mintga terza dumonda da construcziun per in’antenna da 5G è in recurs pendent. Quai scriva la gasetta “Sonntagszeitung”.

L’uniun “Protecziun cunter radiaziuns” discurra da 110 recurs, che sajan actualmain pendents en l'entira Svizra. La Swisscom e Sunrise inditgeschan ch’i dettia tar mintga terza dumonda da bajegiar opposiziun. E Salt quinta gia che lur plans per derasar 5G survegnan retard, pervi da las massas recurs.

In recurs a Zug retarda la Swisscom

Ed ils recurs han schanzas, sco in cas en il chantun Zug mussa. Per la rait 5G dovri antennas adaptivas che focuseschan direct sin il telefonin, cura che quel dovra radiaziun per transportar las infurmaziuns. Actualmain na san ils chantuns betg, co els duain mesirar l’exposiziun a las radiaziuns da questa nova sort d’antennas.

A Baar en il chantun Zug vul la vischnanca uss spetgar sin prescripziuns da la Confederaziun. L’Uffizi federal d’ambient scriva sin sia pagina d’internet, da vulair publitgar en il decurs dal 2019 in agid d’execuziun. La Swisscom ch’aveva fatg la dumonda da bajegiar per l’antenna 5G a Baar, ha entant sistì la dumonda. Dapli na vul il concern betg dir.

RR novitads 10:00