La clientella da Salt po puspè telefonar ed er l'acces a l'internet funcziuna puspè. L'interpresa ha pudì schliar il disturbi en la rait mobila. Il disturbi ha fatschentà tecnicistas e tecnicists durant pliras uras la gievgia avantmezdi.
La clientella da Salt ha gì dapi gievgia bun'ura problems da sa colliar cun la rait mobila. Raschun era, sco Salt scriva, in sbagl en il sistem da localisaziun da la rait. Quel haja dà pervi da lavurs da mantegniment.
Betg tutta clientella pertutgada
Il disturbi haja bain pertutgà l'entira Svizra, dentant betg tuttas clientas e clients da Salt. L'avantmezdi ha Salt supplitgà la clientella da betg empruvar da tschentar ora e puspè tschentar en l telefonin, perquai che quai haja surchargià supplementarmain il sistem.