Siglir tar il cuntegn

Header

cuntegn

Telescop spazial «Cheops» è en l'orbit

La segunda giada èsi gartegià: Oz a bun’ura è il telescop spazial «Cheops» partì sin sia missiun. Quai a bord d’ina racheta dal tip «Sojus» ch’è partida da Kourou en la Guyana Franzosa. Ier era la missiun vegnida interrutta l’ultim mument. Quai pervi da problems tecnics, sco quai che l’Agentura spaziala europeica ESA ha communitgà.

I sa tracta da l’emprima missiun da l’ESA sut il commando da la Svizra. Il telescop «Cheops» duai rimnar infurmaziuns da planets ordaifer noss sistem solar, uschenumnads «exoplanets». Da la missiun spetgan ils astronoms novas enconuschientschas sut tge cundiziuns che planets favuraivels a la vita possian sa furmar.

Per tadlar curt e concis:

audio
Telescop Cheos è partÌ
00:59 min, Actualitad dals 18.12.2019.
laschar ir. Durada: 00:59 minutas.

RTR novitads 11:00

Artitgels legids il pli savens

Scrollar a sanestra Scrollar a dretga