L'emprim è la midada dal temp vegnida proponida sco mesira da spargn. Fin la guerra mundiala n'hai dentant mai tanschì per ina midada coordinada en l'entir pajais. E suenter la guerra han ils blers pajais puspè chalà cun la mesira.
Pir il 1976 ha la Frantscha cumenzà cun il temp da stad, sco che nus enconuschain el uss. L'UE e la Svizra han s'adattà a quai. Ch'ins possia spargnar energia cun la mesira, è dentant dispitaivel, i pudess schizunt esser il cuntrari. Pia datti er adina puspè discussiuns d'abolir il temp da stad, sco avant curt temp en l'UE.