Siglir tar il cuntegn

Header

cuntegn

Temp da corona Chattà dapli projectils betg explodids

purtret d'ina bumba pitschna
Legenda: ADATG: Tala muniziun na duess ins mai tutgar en u perfin prender cun sai. Igl è d'infurmar las autoritads. Keystone

La centrala per annunzias da projectils betg explodids da l'armada svizra ha dismess l'onn passà 227 projectils betg explodids. Vegnì annunziads èn totalmain 908 scuvertas. Quai è in terz dapli che la media dals ultims 10 onns. L'onn avant aveva la centrala survegnì 1'055 annunzias. In record, sco quai che la gruppa defensiun dal Departament federal da defensiun, protecziun da la populaziun e sport ha scrit.

Las 908 annunzias han procurà il 2021 che 2'741 objects èn vegnids allontanads. 8% da quels èn propi stads projectils betg explodids. Tar 75% saja stà fier vegl da muniziun, 17% saja stà muniziun. Per il VBS è uschia vegnida pli clera la presumziun ch'il record dal 2020 haja gì da far insatge cun las mesiras da corona. Entras quellas hai dà in boom dad activitads en il liber.

BETG tutgar en

Avrir la box Serrar la box
Legenda:

Tgi che chatta in object suspectus duess sut naginas circumstanzas tutgar en quel. L'object duessan ins marcar uschè bain sco pussaivel en il territori e lura clamar la polizia u annunziar il chat sur il formular online da la Confederaziun. Anc pli simpel vai cun l'app per projects betg explodids.

audio
Per tadlar: Las novitads da las 15:00
aus RTR Audio vom 16.05.2022.
abspielen. Laufzeit 2 minutas 37 Sekunden.

RTR novitads

Artitgels legids il pli savens

Scrollar a sanestra Scrollar a dretga