Siglir tar il cuntegn

Header

Dus mauns cun ura da satg.
Legenda: Er l'onn che vegn midan ils Svizzers e las Svizras puspè da temp d'enviern sin temp da stad. Keystone
cuntegn

Temp da stad Er l'onn proxim vegn midà temp

Questa sonda sin dumengia èsi puspè uschè lunsch. Las uras vegnan midadas da las trais sin las duas. E quai betg per l’ultima giada, scriva l’Uffizi federal da metrologia METAS.

En ils pajais da l'UE vegn bain discutà davart la dismessa dal temp da stad. Anc n'è però betg crudada ina decisiun definitiva. La Svizra observia ils svilups en quella dumonda e vegnia ad examinar a moda precauta, tge che fetschia senn e saja er en l'interess da noss pajais, scriva il METAS.

Ad interim restia perquai tut sco fin qua. Quai munta che la Svizra vegn la primavaira, exact l'ultima fin d'emna da mars, a midar dal temp d'enviern sin il temp da stad.

Ord l'archiv:

Dapi il 1981 midain nus en Svizra la primavaira l'ura sin temp da stad. Il parlament e la regenza avevan dentant gia il 1978 vulì introducir quel. In referendum aveva quella giada anc impedì quai. Er il 1981 hai dà opposiziun cunter l'introducziun. Quella n'ha però betg gì success.

RR novitads 06:00