Siglir tar il cuntegn

Header

Navigaziun

cuntegn

Svizra Temperaturas chaudas han probablamain chaschunà lavina

La procura publica vallesana sclerescha ussa sche la pista avess stuì vegnir serrada. La lavina aveva sutterrà il mardi suentermezdi radund 400 meters d'ina pista marcada en la regiun da Plaine Morte. Ina persuna grevamain blessada è morta. Ulteriuras trais persunas eran vegnidas blessadas levamain.

La lavina da Crans-Montana.
Legenda: La lavina ha sutterrà 400 meters da la pista. Keystone

Ils responsabels sin il lieu sajan profis – ha ditg il president da las pendicularas vallesanas – Berno Stoffel envers la «Samstagsrundschau» da radio SRF. I na dettia nagin squitsch economic per territoris da skis da laschar avert uschè bleras pistas sco pussaivel. La decisiun, schebain ina pista restia averta u vegnia serrada, prendia il schef da pistas. Quel analiseschia la situaziun mintga damaun da nov, perquai che la situaziun possia sa midar sur notg. Quai pervi da suffel, fradaglia, augment da la temperatura u naiv frestga.

Tuts – era las pendicularas da Crans-Montana – fetschian tut il pussaivel per garantir la segirezza sin las pistas. Pervi da la midada dal clima quinta Stoffel ch'i vegnia a dar en il futur dapli lavinas bletschas, e perquai stoppian ins era serrar dapli pistas.

RR novitads 15:00