Siglir tar il cuntegn

Header

Purtret d'ina muntogna ed il favugn che buffa en l'aria la naiv.
Legenda: Il favugn ha buffà uschè savens sco anc mai durant il december ed ha laschà lura blera naiv durant il december. Keystone
cuntegn

Temperaturas da record Terz chaud december dapi l'entschatta da las mesiraziuns

Intginas valladas da favugn en il nord da las Alps han perfin registrà il pli miaivel december dapi ch'ins ha cumenzà a mesirar l'onn 1864. Quai scriva Meteo Svizra.

Regiunal è il dumber dad uras ch'il favugn ha buffà, s'augmentà sin il segund aut dumber, dapi las emprimas mesiraziuns automaticas il 1981, han communitgà l'Uffizi federal per meteorologia e climatologia (Meteo Svizra). Da la vart dal sid da las Alps hai percunter dà tanta plievgia e naiv sco dapi 50 onns betg pli.

Il december 2019 è vegnì per 2,2° Celsius pli chaud che durant la media dals onns preindustrials dal 1871 fin il 1900. Da la vart dal nord da las Alps, sut 1'000 meters sur mar è la midada perfin 2,5°C pli chauda. La temperatura media dal december è creschida da -1,2°C sin +1,3°C.

En las planiras dal sid da las Alps èn ils mais da december cun sut 0°C extrem rars e dapi passa 100 onns betg pli in tema. A Lugano è la temperatura media dal temp avant l'industrialisaziun stà tar 2,6°C, oz è la media tar 4,5°C. La midada è qua tar stgars 2°C.

Ord l'archiv:

video
Temperaturas da primavaira il december
Or da Telesguard dals 19.12.2019.
laschar ir

RTR novitads 16:00

Artitgels legids il pli savens

Ir a sanester Ir a dretg