Siglir tar il cuntegn

Header

video
Abendausgabe
Or da Meteo dals 08.08.2020.
Maletg: SRF laschar ir. Durada: 4 minutas 4 Secundas.
cuntegn

Temperaturas fin 35 grads Unda da chalira en pliras parts da la Svizra

La Confederaziun augmenta ses avertiment da chalira. Dasper parts dal Tessin, regiuns da Basilea e da l'Argovia vala l'avertiment da nov era per las regiuns Genevra e Giura. Per persunas saunas na muntian dis da chalira en Svizra nagin ristg da sanadad gravant, sriva Meteo Svizra. Pli fitg saja da dar adatg tar attempads ed uffants pitschens.

Ils meteorologs quintan ils proxims dis cun temperaturas maximalas tranter 31 fin 35 grads. Quai tar in'umiditad da l'aria da 40 fin 50 pertschient.Per oz dumengia vala il nivel da privel 3 da 4. L'avertiment vala fin mesemna.

Venderdi han ins mesirà en Svizra tranter 29 e 31 grads. A Biasca en il Tessin a il termometer mussà 31,6 grads.

Nivels da privel

Avrir la box Serrar la box
Legenda: Keystone

Nivel da privel 5

fitg grond privel (na datti strusch en nos grad da latituda)

Nivel da privel 4

grond privel - sto almain 5 dis esser fitg chaud

Nivel da privel 3

considerabel privel - sto almain 3 dis esser fitg chaud

RTR novitads 12:00

Artitgels legids il pli savens