Siglir tar il cuntegn

Header

cuntegn

Temperaturas miaivlas Mars miaivel en l'entira Svizra ma en spezial en Engiadin'Ota

Sco gia il schaner ed il favrer vegn probabel era il mars registrà sco mais cun temperaturas memia miaivlas.

Enfin oz èsi stà en l'entira Svizra radund 1,6 grads memia chaud – cumpareglià cun la media da plirs onns. A Samedan è la differenza da temperatura schizunt tar 2,7 pertschient ha communitgà il servetsch d'aura Meteonews. Entant ch'igl è stà il mars en la Svizra dal nord memia bletsch èsi stà en il sid memia sitg.

Si e giu cun las temperaturas dal mars

Caracteristic per las temperaturas da mars saja stà il si e giu. Ellas sajan dentant adina stadas sin nivel aut, uschia Meteonews. Probablamain na vegnian ils ultims dis da mars betg a midar bler pli vid questa bilantscha, malgrà ch'igl è actualmain pli frestg. A partir da mesemna duain las temperaturas puspè crescher.

Ultra da quai bilantschescha Meteonews ch'il mars saja stà plitost bletsch en il nord da la Svizra, en il sid perencunter sitg.

Pli pauc sulegl en il Giura e la Bassa – dapli en il Grischun

Pli pauc sulegl ch'usità hai dà il mars en il Giura e la Bassa. Guardà sin l'entira Svizra saja il deficit da sulegl tar 6%. Perencunter hai dà en il sid, en las Alps ed en il Grischun dapli sulegl ch'usità.

RTR novitads 14:00

Artitgels legids il pli savens