Siglir tar il cuntegn

Header

video
Lévy: «Nus giavischassan che las fatschentas faschessan dapli tests»
Or da News-Clip dals 02.03.2021.
laschar ir
cuntegn

Tenor concept GR e BL Adina dapli chantuns persequiteschan strategia da testar

Las expertas ed ils experts dal BAG han infurmà in'ulteriura giada avant las medias. Uschia persequiteschian adina dapli chantuns la strategia da testar, enfin uss hajan 17 chantuns inoltrà a la Confederaziun in concept da testar persunas senza sintoms. Ils chantuns Grischun e Basilea mettian er a disposiziun lur concepts, ha declerà Anne Lévy, la directura dal BAG. Testar a l'engronda saja sper vaccinar ed il contact tracing impurtant per survegliar la situaziun.

Situaziun vinavant fragila

Plinavant valitescha Anne Lévy la situaziun da pandemia en Svizra sco ordvart fragila. Actualmain stagneschian las cifras d'infecziun, quai en tut las regiuns. Quest fatg saja da considerar pertutgand far ulteriuras schluccadas. In sguard en l'exteriur mussia che la situaziun sappia sa pegiurar svelt.

video
Masserey: «Nus sperain che la cifra da mortoris na crescha betg»
Or da News-Clip dals 02.03.2021.
laschar ir

Pliras buna novas

Sper las cifras d'infecziuns novas ed ospitalisaziuns che stagneschian u giajan enavos han ils experts er numnà la surmortalitad: Tar persunas sur 65 onns na dettia negina surmortalitad pli.

Plinavant sajan quasi tut las cussadentas e cussadents da las chasas da tgira vaccinadas. Ed er il plan da vaccinar duai restar tuttina sco fin qua. Vul dir: Fin la stad duai tut tgi che vul pudair laschar vaccinar cunter il coronavirus.

Ils experts han ultra da quai infurmà davart in program da perscrutaziun da 14 scolas autas en l'entira svizra. Tenor quel han 90% da las persunas che han gì corona anc adina anticorpuls sis mais suenter l'infecziun.

video
Puhan: «Suenter sis mais han 90% anc adina anticorpuls...»
Or da News-Clip dals 02.03.2021.
laschar ir

RTR novitads 15:00

Artitgels legids il pli savens

Scrollar a sanestra Scrollar a dretga