En il sectur da sanadad svizzer dovri ina meglra coordinaziun tranter ils chantuns e la Confederaziun. A questa conclusiun vegn in studi da la Scol'auta turitgaisa per scienzas applitgadas ZHAW. Plinavant recumonda il studi da meglierar las cundiziuns da lavur per il persunal da tgira e da scolar dapli medias e medis.
Plattafurma digitala manca
In auter punct flaivel sajan las cunvegnas tar prestaziuns medicinalas, cunzunt il provediment suenter ch'insatgi vegn relaschà da l'ospital. Qua saja la Svizra en retard areguard la digitalisaziun, uschia che datas manchian magari.
Il studi è part d’in project scientific cun participantas e participants or da 20 pajais. Il rapport sa funda sin ils resultats da perscrutaziun e datas da sanadad sco era sin intervistas cun acturs dals secturs correspundents.
