Siglir tar il cuntegn

Header

cuntegn

Tenor schef da task force Memia paucas datas davart la derasaziun dal virus

En Svizra dettia anc adina memia paucas infurmaziuns, nua e co ch'il coronavirus sa derasia. Per survegnir quellas fiss necessari in set da datas minimal per il Contact Tracing, ha ditg il president da la task force Covid-19, Matthias Egger, en ina intervista cun la Neue Zürcher Zeitung.

Dumandads sajan surtut ils chantuns. Las datas da quels stoppian vegnir en ina banca da datas centrala tar l'Uffizi federal da sanadad, pretenda Egger. Uschè lunsch na sajan ins dentant anc betg. Dentant na sajan betg be la qualitad e la quantitad da datas manglusas. Er il temp ch'i dovria per transmetter las datas na lubeschia betg da persequitar il svilup e la derasaziun dal virus en Svizra. Cun ina ferm sistem da surveglianza fissi pussaivel da reagir cun mesiras adequatas sin pitschnas erupziuns regiunalas.

Ultra da quai fissi tenor Egger era d'analisar geneticamain ils virus tar persunas infectadas. Cun quellas infecziuns fissi pussaivel da persequitar las chadainas d'infecziun.

RTR novitads 06:00

Artitgels legids il pli savens

Ir a sanester Ir a dretg