Al Lai da Genevra ha stremblì il mardi avantmezdi la terra. Tenor il servetsch da terratrembel da la Scola politecnica federala Turitg ha la stremblida gì ina fermezza da 4,1 sin la scala da Richter. Il center da la stremblida sa chatta en Frantscha, radund 15 kilometers davent da Montreux. Il terratrembel è vegnì registrà en l’entira regiun. En Svizra datti adina puspè pitschens terratrembels. Durant l’onn current ha il servetsch da l’ETH dumbrà radund 500 terratrembels en Svizra.
RR novitads 11:00