Siglir tar il cuntegn

Header

Carta cun inditgà epicenter.
Legenda: Screenshot, www.seismo.ethz.ch
cuntegn

Terratrembel La notg sin glindesdi ha la terra stremblì en il Vallais

Curt avant las 01:00 la notg in glindesdi ha la terra stremblì en il chantun Vallais. Il terratrembel ha gì ina fermezza da 3,4 sin la stgala da Richter e l'epicenter è stà radund 7 km en il sid dad Arolla.

Tenor las indicaziuns dal servetsch da terratrembel svizzer da la ETH a Turitg, èsi probabel ch'il terratrembel è stà da sentir en la regiun. Cun donns na saja dentant betg da quintar cun terratrembels da questa fermezza.

Il chantun Vallais è quel chantun, nua ch'i dat il pli savens terratrembels. Radund mintga 100 onns datti là er in terratrembel da la fermezza 6 fin 6,5. L'ultim grond terratrembel hai dà il 1946 en vischinanza da Sierre.

La fin d'october èn terratrembels er stads da sentir en il chantun Glaruna. Il pli ferm cun ina fermezza da 4,3 è vegnì registrà ad Elm. Silsuenter hai dà passa 100 terratrembels posteriurs, il pli ferm da quels a cuntanschì ina fermezza da 3,6.

Ord l'archiv:

video
Explainer: Pudess in terratrembel devastar la Svizra?
Or da Nouvo RTR dals 29.04.2018.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga