Siglir tar il cuntegn

Header

Skiunzs sin ina sutgera.
Legenda: Keystone
cuntegn

Territoris da skis Damain glieud sin pistas svizras

Plirs territoris da skis svizzers han registrà damain giasts sur ils dis da festa, cumpareglià cun ils onns avant. Pervi da la pandemia da corona n'èn ils territoris da skis betg tuts stads averts tuttina ditg.

Il territori da skis Flumserberg ha pir pudì avrir da Silvester. Ils ultims dis han uschia 6'000 fin 7'000 persunas visità mintga di il territori. Quai saja radund 20% damain ch’ils onns avant, ha ditg il schef da las pendicularas, Heinrich Michel, envers l'agentura da novitads Keystone-SDA.Els sajan dentant fitg cuntents cun questas cifras, uschia Michel.

Era 20% damain giasts sur las festas hai dà en il territori da skis dad Adelboden-Lenk, en la Part Sura Bernaisa, ha declerà in pledader. Las pendicularas grischunas han communitgà gia sonda, ch’ellas hajan dapi l’entschatta da la stagiun dumbrà 17% damain giasts e fatg bunamain 23% damain svieuta che l’onn passà.

Mesiras da protecziun vegnan resguardadas bain

L'acceptanza dals skiunzs e las skiunzas per las mesiras per franar la derasaziun dal coronavirus sajan grondas. Quai han declerà ils responsabels da pliras pendicularas. Ils giasts hajan purtà mascrinas e per gronda part sa tegnì vid las distanzas en ils spazis da spetga.

RTR novitads 06:00

Artitgels legids il pli savens

Scrollar a sanestra Scrollar a dretga