Cunter la maioritad da las persunas ha la procura publica federala gia instradà in'inquisiziun. Il rest da las persunas sajan en arrest en l'exteriur e sajan suttamess al dretg da lezs pajais. A tut questas persunas smanatscha ch'ellas perdan il dretg da burgais svizzer, tar quellas en l'exteriur er senza ina sentenzia. Tar ils cas pendents en Svizra saja necessari ch'i dat ina sentenzia.
Il Cussegl federal è perquai da l'avis che la pretensiun da la moziun vegnia gia ademplida. Perquai cusseglia el da refusar la moziun. L'iniziant da la moziun, Jean-Luc Addor vul ch'i vegnia piglià davent a moda sistematica a dschihadists ch'èn burgais dubels il pass svizzer.
RR novitads 12:00