Cun rinforzar il dretg penal duai daventar pussaivel – da chastiar la recrutaziun, la furmaziun ed era viadis en vista ad in act terroristic. Sa participar ad in'organisaziun terroristica vegn mess sin il medem stgalim sco da sa participar ad in'organisaziun criminala. En omadus cas spetgan chastis fin a 10 onns.
Plinavant vul il Cussegl federal meglierar la collavuraziun internaziunala, cun adattar la lescha. Crititgà la lescha han ils sanesters, els han discurrì d’in «dretg penal che punescha la tenuta». Tut las emprovas da trair in per dents a la fatschenta, han dentant fatg naufragi. La fatschenta va uss enavos al Cussegl dals chantuns.
Terrorissem era la gievgia in tema
In’ulteriura fatschenta che pertutga il terrorissem suonda lura la gievgia. Là tracta il Cussegl naziunal mesiras preventivas cunter persunas ch’èn potenzialmain privlusas, per exempel in arrest da chasa.