Il chantun Tessin reglescha la virolaziun encunter la grippa. Enfin la fin da november pon be persunas en la gruppa da ristg e collavuraturs en il sistem da sanadad laschar vaccinar.
Quai ha decis la regenza tessinaisa. La virolaziun encunter la grippa saja tant pli impurtanta durant la pandemia da corona. Perquai duain persunas en ristg survegnir ella sco emprim.
L'Uffizi federal da sanadad spera che pli bleras persunas laschan vaccinar quest onn encunter la grippa. Quai per evitar ch'il sistem da sanadad vegnia surchargià.