Il Rain mainia uschè bler aua sco mo mintga 20 onns, di l'Uffizi correspundent envers Radio SRF. Ed er en il Tessin hai pluvì uschè ferm, che la via chantunala en la Val dal Blegn è vegnida serrada.
En il Rain hai dà uschè bler aua sco ch'i dettia mo mintga 20 onns, ha l'uffizi son gagliais correspundent infurmà envers Radio SRF. En il Tessin a Biasca hai dà entaifer 48 uras 300,5 milimeters plievgia. La via chantunala è serrada davent dal lieu Loderio en la Val dal Blegn.
Bleras vias da pass serradas
Almain fin il mardi èn ils pass dal Furca, Susten, Grimsel, Gottard, Simplon e Nufenen serrads. Tuts èn serrads pervia da privel d'aua gronda. Plinavant è l'aua da baiver vegnida tschufragnada a Moleno e Preonzo en il chantun Tessin, er pervia d'innundaziuns.
Bler plievgia er en il Grischun
A San Bernardino hai gist dà 200 millimeters plievgia en ils ultims dis. Er en parts da la Surselva, Lumnezia, val Schons ed il Surses hai dà 150 millimeters plievgia. A Domat vala en il mument privel considerabel per inundaziuns tar il Rain.
