Ils ospitals en il Tessin sa preparan puspè per dapli pazientas e pazients cun Covid-19. Quai ha ditg il medi chantunal dal Tessin, Giorgio Merlani, davant las medias. Operaziuns facultativas vegnian reducidas e vacanzas dal persunal stritgadas.
Gia ussa vegnia dapli glieud ospitalisada che relaschada da l’ospital pervi d’ina infecziun cun il coronavirus. Plinavant sajan las pazientas ed ils pazients pli giuvens ch’en l’emprima u segunda unda. Il medi chantunal ha appellà a la populaziun dad esser prudenta sur Pasca.