La Rega ha il venderdi saira spendrà nov viandants dal culm Corona di Redòrta en il Tessin. Trid'aura e fradaglia avevan surprendì la gruppa da l'Israel sin 2'500 meters sur mar. Sco l'organisaziun da salvament scriva, haja la gruppa or da l'Israel clamà agid cun in apparat d'urgenza da satellit. Quel è vegnì tramess ad ina centrala en l'Israel, ch'ha silsuenter prendì si contact cun la Rega.
L'emprim sgol davent da Locarno n'ha dentant gì nagin success perquai che las coordinatas n'eran betg exactas avunda e la tschajera ha engrevgià la tschertga. Pir cura ch'in dals viandants haja tramess ina fotografia e sclariments cun las chamonas en la regiun haja la Rega pudì eruir la posiziun. Cun sustegn d'in segund helicopter la l'Eliticino èn las nov persunas vegnidas transportadas a val, sfradentadas ma betg blessadas.
Or da l'archiv:
