Siglir tar il cuntegn

Header

cuntegn

Svizra Tessin vul ina favurisaziun d'indigens

Votantas e votants han ditg cun 58% gea a l'iniziativa da la Partida populara svizra. Quella prevesa che persunas indigenas vegnan favurisadas per ina lavur sch'ellas han medemas qualificaziuns sco persunas da l'exteriur.

L'iniziativa vul cunzunt cumbatter il dumping da paja. Cunfinaris duain vinavant chattar lavur. Quai dentant be là nua ch'i dovra propi tals e nua che naginas persunas indigenas vegnan remplazzadas. Sco quai che l'agentura da novitads sda scriva, pudessi la realisaziun dentant vegnir difficila.

L'Italia reagescha senza targlinar

Senza la libra circulaziun da persunas sajan las relaziuns tranter la Svizra e l'Uniun europeica en privel, ha ditg il minister da l'exteriur talian Paolo Gentiloni. El avertescha da metter en privel las relaziuns tranter la Svizra e l’UE. Ed il president da la regiun Lombardia, Roberto Maroni (Lega Nord), ha annunzià cuntramesiras per defender ils dretgs dals lavurants.

RR novitads 17.00/22:00

Artitgels legids il pli savens