Test da mascras - Bleras na protegian betg bain – Tgenina è la gista?

La gronda flaivlezza da las mascras da taila è il filter. Las mascras da taila na filtreschan betg las particlas pitschnas, ils erosols. Quels daguts ch'han ina grondezza da be in micrometer (in milliavel millimeter). Ed era tar il test cun liquid han quatter dad otg mascras da taila laschà tras il liquid. Quai na correspunda era betg als criteris da test.

Percunter vai meglier da fladar tras la mascras da taila. Quai deriva dal fatg ch'il filter n'è betg uschè ferm. Ed ina protecziun da basa porschan er las mascras da taila, malgrà ils resultats da test betg propi cuntentaivels.

Co vesan ins sch'ina mascra è da buna qualitad?

Avrir la box Serrar la box

Legenda: Keystone

Per las mascras da taila na datti anc naginas normas. Là èsi da guardar tar il producent schebain la mascra filtrescha er particlas pintschnas, pia ils erosols en la grondezza dad in micrometer. Sche gea è quai l'indizi per ina mascra da buna qualitad.

Per mascras medicinalas/per duvrar be ina giada pon ins guardar sin la norma EN 14683. Sche quella è inditgada ensemen cun il segn da CE ademplescha la mascra ils criteris. Tar mascras da FFP2 pon ins guardar sin la norma EN 149. Era quella duess esser inditgada cun il segn da CE e quatter cifras.

Da far sez mascras na vegn insumma betg cusseglià. Simpla taila protegia tant sco nagut.

Mascras d'igiena/medicinalas in pau meglras

Tar las mascras per duvrar be ina giada han quatter dad otg ademplì cumplainamain tut ils criteris. Quai haja er da far cun quai che quellas mascras stoppian gia correspunder pli daditg a criteris pli severs, cunzunt sch'ellas vegnian vendidas sco mascras medicinalas.

audio

Mascras: Bleras na protegian betg bain – Tgenina è la gista?

05:23 min, ord Co e cum dals 20.10.2020. Maletg: Keystone

laschar ir. Durada: 5 minutas 23 Secundas.

Criteris da la Swiss Covid-19 Science Task-Force

Il labor ha testà tenor ils criteris che la gruppa da scienziads ha elavurà che cusseglia er il Cussegl federal en chaussa coronavirus. Quai è er ina raschun ch'il test mussa quests resultats. Ils criteris èn numnadamain relativamain novs, severs ed existivan fin quest onn anc betg en questa furma. Uschia n'èn er betg tut las mascras sin il martgà producidas per ademplir cumplainamain quests criteris. E cunzunt per mascras da taila na deva quai er anc betg criteris per la protecziun.